Anonymous discussion · Need to talk
Arre, bas normal business baat hai, phir main uske reply ka wait kyun kar raha hoon
Arre, bas normal business baat hai, phir main uske reply ka wait kyun kar raha hoon? Nearby wholesale shop wali hai, pehle orders aur suppliers ki baat hoti thi, phir bol diya ki main customers ko kaafi calmly handle karta hoon. Bas itna hi tha, but mujhe accha laga. Ghar pe wife ko phone dikhate time ek message delete kar diya, message romantic bhi nahi tha. Ye kya bakwaas hai meri. Married hoon, bachche hain, koi affair-vair nahi hai. But business reason khatam hone ke baad bhi conversation chalayi maine. Kabhi lagta hai woh zyada personal ho rahi hai, kabhi lagta hai main hi attention enjoy kar raha hoon. Aur honestly, poora din customers, suppliers, ghar ke issues... koi mujhe individual ke jaise notice kare toh accha lagta hai. Phir guilt bhi hota hai. Ab communication strictly business tak rakhun? Nearby shop hai, bilkul avoid karna awkward aur business ke liye bhi stupid hoga. Wife ko bataun ki mujhe attention acchi lag rahi thi ya chupchaap boundary kar loon? Kuch physical ya explicit hua nahi, but hide karna hi galat type lag raha hai. Is this harmless validation or main khud ko bewakoof bana raha hoon?